Worldskills — жұмысшы мамандықтар беделін көтеретін және шеберлік машықтықты дамыту мақсатын көздейтін коммерциялық емес халықаралық қозғалыс.Worldskillsқозғалысы жастарды жұмысшы мамандықтарды игеруге баулиды және еліміздің жас мамандарына алған кәсіби машықтықтары мен біліктіліктерін әлемдік аренада көрсетуге мүмкіндік береді.

Бұл қозғалыс 20 ғасырдың ортасында пайда болды. Испанияда 1947 жылы тұңғыш рет кәсіптік-техникалық дайындық бойынша бірінші ұлттық конкурс өткізілді. Араға үш жыл салып жарысқа Германия, Ұлыбритания, Франция, Марокко, Швейцария және тағы басқа елдерінен конкурсанттар қатысты. Қозғалыс ұлғайып, әлемде әйгілі бола бастады. Осылайша, 1983 жылы осындай конкурстар өткізу бойынша халықаралық ұйым құрылды. Содан бастап, екі жылда бір рет кәсіптік-техникалық шеберлік бойынша әлем чемпионаты өткізіледі.

Worldskills Каzakhstan ұлттық чемпионаты «Холдинг « Кәсіпқор» ҰАҚ Ұлттық операторы және ҚР Білім және ғылым министрлігі бірлесе ұйымдастырған жоба. 2014 жылдан бастап Қазақстан конкурсқа қатысушы 70-ші ел болып табылады. Қазіргі таңда конкурсқа 76 елдің өкілдері қатысады. Қазақстанда алғашқы конкурс 2015 жылы өткізілді. Келесі әлем чемпионаты 2017 жылы Абу-Даби қаласында (БАЭ), ал 2019 жылы Қазан қаласында (Ресей) өткізіледі.

2017 жылғы 5 сәуірде Солтүстік Қазақстан облысы орталығы Петропавл қаласында Worldskills Каzakhstan облыс чемпионаты өткізілді. Облыс чемпионатына «Дәнекерлеу технологиялары» біліктілігі бойынша «Айыртау ауданының Саумалкөл а.агротехникалық колледжі» КММ өкілдері қатысты. Колледж атынан конкурс сарапшысы ретінде өндірістік оқыту шебері Бақыт Бауыржанұлы Шәріпов және конкурсқа қатысушы ретінде колледж түлегі Евгений Александрович Лукьянов қатысты. Евгений колледждегі оқуды аяқтағаннан соң «Ғасыр-Айыртау» ЖШС жұмысқа орналасқан. Өзінің кәсіби шеберлігінің қыр-сырын жоғары біліктілік санатты маман, өндірістік оқыту шебері Виктор Андреевич Прохоровтан үйренген. Виктор Андреевич өз тәжірибесінде көптеген сауатты білікті дәнекерлеушілер дайындады. Бұл жағдайда арнайы пәндер оқытушысы Сергей Иванович Белоногтың да конкурсантты дайындауда теориялық және практикалық көмегін айта кеткен жөн.

Кәсіби шеберлік конкурсына «Дәнекерлеу ісі» кәсібінен басқа да аспазшы, плиткашы, тас қалаушы, электршы, сантехник, кондитер және басқа да мамандық иегерлері қатысты. Дәнекерлеушілер конкурсы екі модульден тұрды:

• бірінші — жылу беру жүйесі элементін қолды иметі дәнекерлеу;
• екінші  — алюминий профилін аргонды-имекті дәнекерлеу.

Облыстық чемпионат қорытындысы бойынша Е.А.Лукьянов жеңіпаз атанды. Конкурстың келесі кезеңі 2017 жылғы 1 мамырдан 6 мамырға дейінгі аралықта Астана қаласында өткен республикалық WorldskillsКаzakhstan ұлттық чемпионаты барысында жалғасты. Республикалық чемпионатқа біздің колледждің өндірістік оқыту шебері Б.Б.Шәріпов және облыстық чемпионат жеңімпазы Е.А.Лукьянов қатысты. Және де Евгений «Дәнекерлеу технологиялары» біліктілігі бойынша еліміздің мықты жас мамандардың ондығына кірді. Біздің түлегіміз «Айыртау ауданының Саумалкөл а.агротехникалық колледжі» КММ жоғары кәсіптік деңгейдегі бәсекеге қабілетті мамандар дайындайтынын ісімен дәлелдеді.

Шебер мен оның шәкіртін жоғары жетістікке қол жеткізулерімен құттықтай отыра, сапалы кәсіптік-техникалық білім алуға ниет білдірген еліміздің жастарын біздің колледжде білім алуға шақырамыз.

Колледж әдіскері:
Чернецкая С.И.