Барлық кәсіп қызықты – таңдау өз қолыңда! 15 жаста, болашақта бүкіл саналы өміріңізді қандай мамандыққа арнағыңыз келетінін, онда өзіңізді жүзеге асыра алатыныңызды және өз қалауыңыз бойынша жұмыс таба алатыныңызды түсіну оңай ма? Әрине, көптеген жоғары сынып оқушылары үшін бұл сұрақ қазірдің өзінде аса өзекті және белгілі бір қиындықтарды тудырады. Сондықтан, осы кезеңде ертеңгі күні мектеп қабырғасынан шығып, өмірге өз жолын сала бастайтын болашақ түлектерге көмектесіп, бағыт-бағдар беріп, кәсіптік бағдар беру маңызды.

3 наурыз күні «Айыртау ауданының Саумалкөл а агротехникалық колледжі» КММ-де ауданымыздың мектеп оқушыларына – болашақ жұмысшы кадрларға, кейбір мамандықтардың ерекшеліктерін көрсету мақсатында жасөспірімдер арасында «WorldSkillsJunior 2022» турнирінің ашық есік күні өткізілді.Мұндай іс-шаралар жасөспірімге белгілі бір мамандық бойынша бағын сынауға мүмкіндік береді, мұнда саланың қалай жұмыс істейтінін түсінуге және осы бағыттағы мансаптық перспективаларды көруге болады. 

Өндірістік оқыту шеберлері мектеп оқушыларын қуана қарсы алып, оқу үрдісінің қалай жүріп жатқанын, жатақханадағы тұрмыстық жағдайлары, колледждің материалдық-техникалық жарақтандырылуы, оқу орнының қабырғасында қандай дағдыларды меңгеруге болатынын көрсетеді. Ал жоғары курс студенттері өздерінің кәсіби жетістіктерін жеке үлгілерімен көрсетеді.

2020 жылы колледжде бұл шара сәтті өткізілген болатын, кейін көптеген мектеп оқушылары 9 сынып негізінде оқу мүмкіндігіне қызығушылық танытты, бірақ 2021 жылы пандемияға байланысты қойылған карантиндік шектеулер мерекелеуге мүмкіндік бермеді. Осы жылы колледжде көптен күткен WorldSkillsJunior тағы да ұйымдастырылып өткізілді, аталмыш іс-шараға ауданның 241 оқушысы қатысып, өздері үшін кәсіптік білім әлемін ашты.

Мектеп оқушыларына «Ауыл шаруашылығын механикаландыру», «Дәнекерлеу ісі», «Қоғамдық тамақтандыру» сияқты 3 біліктілікті алаңдары ұсынылды. Біліктілік алаңдарында колледж студенттер мектеп оқушыларына өздерінің кәсіби шеберліктерін көрсетті.

Кәсіпқойлық адам бойындағы ерекшеліктерді білмей, оның бастауы тек жан-дүниесі мен әр адамның өз арманындағы кәсіпті игеруге деген жеке ұмтылысынан алынады!