Біздің ұранымыз " Бәріміз біргеміз — берік іргеміз!”

Қазақстан халқының бірлігі күні — бұл ресми мемлекеттік мереке. 1 мамыр "Бірлік күні" деп аталады, өйткені еліміздің ішкі саясатының басты басымдықтарының бірі ҚР халқының дінаралық және ұлтаралық бірлігін сақтау болды. Бұл күн ел аумағында тұратын әртүрлі ұлт өкілдерін біріктіреді және олардың мәдениетінің, тілінің, дәстүрлерінің айырмашылығына қарамастан, адамдар арасындағы еркін және құрметті қарым — қатынастың маңыздылығын көрсетеді. Дәстүр бойынша, мамырдың бірінші күні — тек отбасылық емес, қоғамдық іс-шара болып есептеледі.

30 сәуірде колледжде Қазақстан халқының бірлігі күніне арналған мерекелік концерт өтті. Бұл маңызды іс-шара студенттерді, оқытушылар мен қонақтарды біздің елде тұратын ұлттардың байлығы мен мәдениетінің алуан түрлілігін атап көрсетті.

Сахнада Қазақстанда тұратын түрлі халықтардың ұлттық салт — дәстүрлері, әдет — ғұрыптары мен костюмдері ұсынылды. Студенттер қазақ, орыс, неміс, украин және татар халықтарының мәдениеті туралы зор ынталылықпен баяндады. Әр топ шығармашылық презентация дайындады: ұлттық билер, әндер, көріністер және дәстүрлі киімдерді көрсетті.

Тұрмыс элементтері, ұлттық тағамдар мен сәндік — қолданбалы өнер заттары бар көрме қатысушылардың назарын ерекше аударды. Мереке қонақтарына бауырсақ, пирогтар, чак-чак, штрудель және басқа да ұлттардың дәстүрлі тағамдары ұсынылды.

Іс-шара бейбітшіліктің, келісімнің және әр халықтың мәдениетін құрметтеудің маңыздылығын атап көрсетті. Қазақстанның күші — өз халқының бірлігі мен алуан түрлілігінде.